लिग लिडर जावलाखेल हिमालय शेर्पासंग स्तब्ध

काठमाडौ- जारि सहिद स्मारक ए डिभिजन लिग फुटबलमा आज भएको अन्तिम खेलमा लिग लिडर जावलाखेल युथ क्क्लब हिमालयन शेर्पा क्लबसंग पराजित भएको छ।

त्रीपुरेश्वरस्थीत दशरथ रंगशालामा भएको खेलमा शेर्पाले जावलाखेललाई २-१ ले गोलअन्तरले पराजित गरेको हो ।

रेलिगेसनमा रहेको शेर्पाको जितमा खेलको दशौं  र १९ औं मिनेटमा दुवै गोल पिस्तोने मुताम्बाले गरे । यता जावलाखेलका लागी एन्कोटो मासोअबीले खेलको ७२ औं मिनेटमा १ गोल गरे।

यो संगै लिग लिडर जावलाखेल१२ खेलमा २३ अंक जोडेर शीर्ष स्थानमा कायमै रहेको छ । उता रेलिगेसनमा रहेको शेर्पाको १२ खेलमा १३ अंक रहेको छ ।