म्यानचेष्टर युनाइटेड सेभियासँग बराबरीमा रोकियो

काठमाडौ- युरोपा लिग क्वाटरफाइनलको पहिलो लेगमा म्यानचेष्टर युनाइटेड सेभियासँग बराबरीमा रोकिएको छ।

युनाइटेडको घरेलु मैदान ओल्ड ट्राफोर्डमा भएको खेलमा युनाइटेड सेभियासँग २–२ गोलको बराबरीमा रोकिएको हो। खेलमा २-० गोलको अग्रता लिएको युनाइटेडले खेल सकिन अन्तिम ६ मिनेट बाकी रहदा दुई आत्मघाती गोल गरेपछि खेल बराबरिमा सकिएको हो ।

युनाइटेडका लागि मार्सेल सबतिजरले १४औं र २१औं मिनेटमा दुईगोल गर्दा सेभियाका लागी ८४औं  मिनेटमा युनाइटेडका टारेल मलमासिया र इन्जुरी समयमा ह्यारी मग्वाएरले आत्मघाती गोल गरे।

अब यी दुईबिचको दोस्रो लेग अप्रिल २० मा सेभियाको घरेलु मैदानमा हुनेछ ।