लिग लिडर जावलाखेललाई अग्रता बढाउने मौका

काठमाडौ- जारि सहिद स्मारक 'ए' डिभिजन लिगमा आज तीन खेल हुदैछ।

दिउँसो ३ बजे सुरु हुने खेलमा मछिन्द्र फुटबल क्लब र एपीएफ क्लब भिड्दैछन्। यी दुईबिचको खेल त्रिपुरेश्वरस्थित दशरथ रंगशाला हुनेछ।

मछिन्द्र ९ खेलमा १३ अंक जोडेर आठौं स्थानमा रहेको छ ।

त्यस्तैलिगमा एपीएफ समान खेलमा ११ अंक जोडेर नवौं स्थानमा रहेको छ ।

त्यस्तै सोहि समय हुने अर्को खेलमा लिग लिडर जावलाखेल युथ क्लब र नेपाल पुलिस क्लब भिड्दैछन्।

यी दुईको खेल च्यासल मैदानमा हुनेछ। लिग लिडर जावलाखेलले ९ खेलमा १७ अंक जोडेको छ।उता तालिकाको पुच्छारमा रहेको पुलिसले ५ अंक जोडेको छ ।

आज हुने अन्तिम खेलमा फ्रेन्ड्स क्लब र संकटा क्लब भिड्दैछन्।दशरथ रंगशाला हुने यो खेल साझ ६ बजे सुरु हुनेछ ।

लिगमा संकटा ९ खेलमा १५ अंक जोडेर सातौं स्थानमा रहेको छ । त्यस्तै फ्रेन्ड्स समान खेलमा ८ अंक जोडेर १३ औं स्थानमा रहेको छ ।