अल नासरको फराकिलो जितमा रोनाल्डोको गोल

काठमाडौ- साउदी प्रो लिग फुटबल प्रतियोगिता अन्तर्गत अल नासरले अल राएदलाई फराकिलो अन्तरले पराजित गरेको छ ।

राति भएको खेलमा अल नासरले अल राएदलाई ४-० गोल अन्तरले पराजित गरेको हो ।

अल नासरको जितमा क्रिस्टियानो रोनाल्डो, अब्दुलराहमान घरीब, मोहमद मरान र अब्दुलमजीब अल सुलाईहीमले १-१ गोल गरेका थिए ।

यो जितसँगै अल नासरको साउदी प्रो लिगमा २५ खेलमा ५६ अंक भएको छ र लिगमा दोस्रो स्थानमा रहेको छ । साउदी प्रो लिगमा अल इतिहाद २४ खेलमा ५९ अंकसहित शिर्ष स्थानमा रहेको छ ।