मच्छिन्द्रलाई हराउँदै चर्च ब्वाइज शीर्षस्थानमा

काठमाडौ- जारि सहिद स्मारक ए डिभिजन लिग फुटबलमा मच्छिन्द्र क्लबलाई पराजित गर्दै चर्च ब्वाइज युनाइटेड लिग लिडर बनेको छ।

सातदोबाटोस्थित एन्फा कम्प्लेक्समा भएको खेलमा मच्छिन्द्रलाई २-१ ले हराउँदै चर्च ब्वाइज शिर्ष स्थानमा उक्लिएको हो ।

चर्च ब्वाइजलाई जिताउन अन्जन विष्टले पहिलो हाफमा एक गोल गरे।

त्यस्तै मच्छिन्द्रका गोलरक्षक प्रदीप भण्डारीले आत्मघाती गोल गरे। 

मच्छिन्द्रका लागि ओमोलाजा करीमले पेनाल्टीमार्फत १ गोल गरे।

यो जितसंगै १६ खेलमा ३० अंक जोड्दै चर्च ब्वाइज शिर्ष स्थानमा रहेको छ। त्यस्तै मच्छिन्द्र १६ खेलमा २४ अंकसहित चौथो स्थानमा रहेको छ ।