ला लिगामा बार्सिलोनाको सहज जीत

काठमाडौ- स्पेनिस ला लिगामा लिग लिडर बार्सिलोनाले रियल बेटिसविरुद्ध सहज जीत निकालेको छ।

राति घरेलु मैदानमा भएको खेलमा बार्सिलोनाले रियल बेटिसलाई ४-० गोलअन्तरले पराजित गरेको हो।

बार्साका जितमा लेवान्डोस्की,राफिन्हा,क्रिस्टिन्सन र रोड्रिगेजले समान १-१ गोल गरे।

यो जितसंगै बार्सिलोनाको ३२ खेलबाट ७९ अंक पुगेको छ। उता बेटिस समान खेल खेल्दै ४९ अंकका साथ छैटौ स्थानमा रहेको छ।