'ए' डिभिजन लिगमा आज तीन खेल हुँदै

काठमाडौ- जारि सहिद स्मारक 'ए' डिभिजन लिग फुटबलमा आज तीन खेल हुँदैछ।

दिउँसो ३ बजे दशरथ रंगशालामा एपीएफ क्लब र मनाङ मर्स्याङ्दी क्लब भिड्दैछन्।

मनाङ १९ खेलमा २३ अंक जोडेर आठौं स्थानमा रहदा एपीएफ समान खेलमा २२ अंक जोडेर दशौं स्थानमा रहेको छ ।

सोहि समय च्यासल मैदानमा न्युरोड टिम एनआरटी र मछिन्द्र फुटबल क्लब भिड्दैछन्।

मछिन्द्र १९ खेलमा ३१ अंक जोडेर तेस्रो स्थानमा रहदा एनआरटी समान खेलमा २३ अंक जोडेर नवौं स्थानमा रहेको छ ।

आज हुने अन्तिम खेलमा जावलाखेल युथ क्लब र संकटा क्लब भिड्दैछन्।

जावलाखेल १९ खेलमा ३२ अंक जोडेर दोस्रो स्थानमा रहदा संकटा समान खेलमा २२ अंक जोडेर ११ औं स्थानमा रहेको छ ।